Si të jetojmë gjatë e shëndetshëm? Lexoni këshillat e atyre që kanë jetuar mbi 100 vjet -Albpress Daily News
Published On: Hën, Tet 8th, 2018

Si të jetojmë gjatë e shëndetshëm? Lexoni këshillat e atyre që kanë jetuar mbi 100 vjet

Cili është sekreti për një jetë të gjatë e të shëndetshme? Sajti ‘A Place For Mom’ është përpjekur ta gjejë përgjigjen e kësaj pyetje të kamotshme duke i analizuar këshillat e atyre që kanë jetuar mbi 100 vjet.

Kompania ka analizuar 100 intervista me personat që kishin jetuar të paktën 100 vjet dhe ka zbuluar se ndonëse 25% prej tyre kishin ndjekur këshilla për një stil të shëndetshëm të jetesës, 29% prej tyre i kishin shmangur ato.

Merrni shembull Agnes Fenton, e cila kishte besuar se duke konsumuar tri birra ‘Miller High Life’ në ditë dhe një gotë uiski në ditë e kishin ndihmuar atë të jetonte deri në moshën 112 vjeç.

Në fakt, rreth 16% e atyre që kanë jetuar mbi një shekull kanë thënë se kanë konsumuar alkool çdo ditë dhe se ky ka qenë sekreti i jetëgjatësisë së tyre.

Sidoqoftë, çfarë saktësisht kanë bërë këta persona që kanë jetuar mbi 100 vjet?

Më poshtë e keni listën me 10 shprehitë e tyre më të zakonshme:

– 29% i kanë injoruar këshillat për ushqim të shëndetshëm

– 25% prej tyre janë ushqyer shëndetshëm

– 22% prej tyre kanë qenë aktivë edhe në moshë të shtyrë

– 18% prej tyre kanë qenë gjithmonë pozitivë

– 16% kanë konsumuar alkool rregullisht

– 12% nuk kanë konsumuar as alkool as cigare

– 10% kanë pasur lidhje të ngushta

– 8% kanë bërë gjumë mjaftueshëm

– 9% kanë qenë zemërmirë

– 9% kanë qenë religjiozë

Leandra Becerra Lumbreras, e cila kishte vdekur në moshën 127 vjeçare, ia kishte atribuuar jetën e saj të gjatë e të shëndetshme konsumimit të sasive të mëdha të çokollatës dhe faktit se asnjëherë nuk ka qenë e martuar.

Megjithatë, kjo dhe shumë këshilla tjera nuk janë diçka që i rekomandon mjekësia e tanishme apo diçka e tillë. Sipas shkencës, këto janë strategjitë që ju ndihmojnë të jetoni gjatë: mos pini duhan, bëni ushtrime rregullisht, mos shtoni shumë peshë, hani shumë perime dhe mos e teproni me alkool.

Shkruaj nje koment

avatar
  Subscribe  
Notify of