Published On: Hën, Nën 27th, 2017

Sa paguajnë shqiptarët për internetin?

Share This
Tags

Shqipëria renditet në vendin e 42 në botë për internetin më të lirë me një çmim mesatar 33.23 dollarë në muaj per paketë interneti me brez të gjerë.

Është kjo renditja që ka siguruar vendi ynë në një studim të fundit. Rreth 3351 paketa interneti u regjistruan dhe analizuan nga BRBC Continental dhe Cable.co.uk mes 18 gushtit dhe 12 tetor

2017 nga ku u bë renditja e kostot për 196 vende nga më i liri tek më i shtrenjti.

Shqipëria në raport me rajonin

Edhe pse në një listë me 196 vende duket se Shqipëria pozicionohet mirë dhe me një kosto të lirë duket se në rajon ka vende që performojnë akoma më mirë.

Serbia për shembull renditet në vendin e 11 si më e lirë me nje kosto pakete 18.92 dollarë.

Kroacia nga ana tjetër renditet në vendin e 25-të më të lirë me një kosto për paketë interneti me brez të gjerë 25.66 dollarë në muaj.

Bullgaria dhe Italia renditen në vendin e 31 dhe të 32 me respektivisht 28.81 dollarë në muaj dhe 29.27 dollarë në muaj.

Më pas vjen Mali i Zi në vendin e 37 me 32.32 dollarë në muaj për paketë.

Studimi i çmimeve të internetit në brez zbulon diferenca të medha në koston e aksesit online.

Irani ështe ai që ofron brezin më të lire me një mesatare prej 5.37 dollarë kurse Burkina Faso është më e shtrenjta me nje çmim mestaar për paketë mesatare në dollarë prej 955.54 dollarë në muaj duke treguar një diferencë të madhe në koston e internetit me brez të gjerë nëpër botë./Monitor