Published On: Fri, Oct 13th, 2017

Basha-Ramës: ke lepurin në bark, ndërkombëtarët të rrisin presionin…

Pas fjalës së kryeministrit Edi Rama në Kuvend, ka reaguar kreu demokrat Lulzim Basha.

Ai tha se ndërkohë që Shqipëria po debaton për zgjedhjet, lidhjet e qeverisë me krimin dhe kur shqiptarët thonë se duan të ikin nga ky vend, Serbia ka nisur negociatat për anëtarësimin në BE, Maqedonia po shton investimet e huaja, ndërsa Mali i Zi po kthehet në një lider të turizmit rajonal. “Bota ecën përpara, ndërsa ne bëjmë pas, për shkak të lidhjeve të qeverisë me krimin”, tha Basha.

Duke iu drejtuar deputetëve të PS-së, Basha u shpreh “ky që për të fshehur lepurin në bark, atij që i thotë vetes kryeministër dhe deputetët e tij që qeshnin nga zori, për cfarë qeshnit? Për ata që u vranë në Lushnje para dy ditësh? Apo për atë plakun që u plagos nga breshëria, apo për atë që u plagos nga tritoli në Vlorë?”
“O kukulla pa integritet gjysma prej jush keni ardhur këtu se ju ka marrë për dore krimi, ju ka caktuar krimi. Ky këtu vjen e sulmon një orë opozitën dhe nuk thotë një fjalë për krimin, se është njësh me ata, e s’ka nevojë të tregoj foto i kemi pasur këtu e i kemi akoma këtu e dinë gjithë shqiptarët, për të dënuarit me drogë, prostitucion për vrasje që Rama i bëri deputet dhe i isolli në këtë sallë. E harruat Elvisin?

I keni pasur këtu dhe i keni akoma këtu njerëzit e krimit, nuk ka nevojë të tregoj foto. Janë të dënuar për drogë, për prostitucion, për vrasje. Rama i bëri deputet dhe i solli këtu në këtë sallë. Ata për përdhunim i bëri kryetarë bashkie. E harruat Elvisin? Më pyetën disa të rinj ca është Griselda: i futën një jastëk në bark dhe thanë e detyroi PD ta dështonte. U vërtetua që ky ishte një ‘përdhunim’ i pastër i Elvis Roshit.

E dini që nuk keni parti në Lezhë apo se dini? Qani hallin e PD-së. A e dini që shumë degë të partisë suaj i sundon krimi dhe kriminelët? Po kur iu ngrenë pistoletat në mbledhjet e kryesisë tuaj banditët, kjo ndodh edhe në degë. Këtë e keni dhuratë nga Edi Rama. Nuk ka dhënë një shpjegim se pse dy të dyshuarit kryesorë të Elbasanit ndodhen në Holandë. Pse u fsheh kërkesa e Interpol për Durim Keçin u fsheh dhe e nxorre vetëm para se të ikje në Itali dhe e dije që do haje thupra?

Ti je pa shkollë, e ke kompleks. Je pa shkollë në krahasim me këtë grup parlamentar të opozitës, ti nuk zgjedh shkollën, zgjedh krimin, grabitqarët, ata me dëftesa false. Meqë ke ikur dhe s’ta mban të rrish në sallë, po u drejtohem shqiptarëve dhe tu them se shqetësimi im nuk ka qenë kurrë ky njeri: por gjëma e madhe që po i ndodh këtij vendi”, tha Basha.

Në vijim ai shtoi se sektori i ndërtimit, turizmit, përpunimit të plehrave, po bien në dorën e krimit, madje edhe sektori banker po depërtohet nga krimi, në kuptimin e pastrimit të parave dhe fajdeve.

“Konçensionet dhe kontratat publike, edhe projekti 1 miliardë euro, është skema që do t´i kalojë krimin të gjithë infrastrukturën e vendit. Këto që po ju them do t´I lexoni shumë shpejt në raportet ndërkombëtare. Nëse sot nuk e ndalojmë, nesër do të jemi të gjithë shërbëtorë dhe skllevër të krimit dhe të një ekonomie, qeverie dhe vendi, të kapur direkt nga krimi.

Ndaj ju bëj thirrje të rinjve të mos qëndrojnë indiferentë, por të bashkohemi dhe të ndërtojmë një Shqipëri pa krim, përballë frontit laraman të kapur nga krimi.

I bëj thirrje ndërkombëtarëve të rrisë presionet e gjithëanshme ndaj Edi Ramës, që të mos i japë mbrojtje krimit.
Krimi dhe miliardat janë rrezik kombëtar jo vetëm për Shqipërinë, por edhe për rajonin dhe më gjerë.

Pa zgjidhur këtë problem, nuk mund të garantojmë zgjedhje të lira as me një reform zgjedhore në letër”, tha Basha.