Published On: Fri, May 19th, 2017

Pakti Rama-Basha – Ndoka: Ne jemi të mishit. Probleme tek e majta, s’është kohë për ngjala

jë goditje për partitë e vogla dhe pluralizmin e ka cilësuar aleati i Bashës, Nard Ndoka, marrëveshjen politike PD-PS për zgjedhjet, e cila pamundëson koalicionet parazgjedhore.

Duke folur pas takimit me Bashën në selinë blu, Ndoka shprehu bindjen se do gjendet një formulë përfaqësimi mes kampit të djathtë, duke shtuar se tek kampi i majtë situata është më problematike.

Ndoka: Nuk janë elementë që janë diskutuar për faktin që ndodhemi përballë një të papriture, është goditje për pluralizimin dhe partitë politike. Por kjo është një lëvzje më tepër nga krahu i majtë, aty si duket problematika ëhstë më e madhe. Ngjalat është një periudhë që nuk ëhstë dhe e përshtatshme për këtë stinë. Besoj që mozaiku dhe vlerat e të djathtës do gjejnë një formulë përfaqësimi. Ne jemi më shumë tek mishi.

Kreu i PDK-së, tha se marrëveshja politike nuk është zgjidhja më e mirë që mund të arrihej por mendon se Basha nuk kishte obsion tjetër.

Ndoka: Ka një marrëveshje në parim që akoma nuk është bërë zyrtare, nuk është miratuar në Kuvendin e Shqipërisë. Po diskutojmë të gjitha variantet dhe mundësitë e mundshme. Është një marrëveshje problematike, ishim ose drejt një lufte më shumë se politike ose drejt një realiteti tjetër politik. Gjykoj se ishte e vetmja mundësi.Basha ka pasur mandatin e partive opozitare dhe ka pasur çdo moment kontakte të vazhdhueshme me ne. Ka pasur dhe një lloj transparence edhe gjatë proçesit, besoj se nuk kishte zgjidhje tjetër. Nuk është zgjidhja më e mirë por jemi përballë një fakti të kryer.