Grabitje filmash në hotel Ritz të Parisit. Vidhen bizhuteri me një vlerë 3,5 milionë euro -Albpress Daily News
Published On: Enj, Jan 11th, 2018

Grabitje filmash në hotel Ritz të Parisit. Vidhen bizhuteri me një vlerë 3,5 milionë euro

Shpërndaj
Tags

Parisi ka kaluar sonte një natë terrori kur hoteli me 5 yje Ritz është grabitur me armë.

5 persona të maskuar dhe me motorë kanë mësyrë mbi argjendari në hotelin e vendosur në sheshin “Vendome”.

Ata kanë arritur të grabisin një sasi bizhuterish me vlerë 3.5 milionë eurosh.

Por ka nga ata që thonë se vlera është më e madhe, i kalon 5 milion eurot.

Sipas dëshmive të para, autorët ishin të armatosur me pistoleta dhe pushkë.

Policia ia ka dalë të ndalojë 3 prej tyre ndërsa 2 janë ende në arrati.

5 personat hynë në hotel rreth orës 18.30 duke thyer xhamat e saj me një send të rëndë.

Bizhuteri të shumta ekspozohen në sallonet e hotelit të famshëm parisian, aty ku Lady Diana kaloi natën e fundit para se të vritej natën e 31 gushtit e ndjekur nga paparacët në tunelin e Pont de l’Alma.

Gabimi i grabitësve ishte se kjo zonë kishte kaluar në shërbim të përforcuar policor prej vitit 2014 pasi në zonë ndodhet edhe selia e Ministrisë së Drejtësisë.