Basha: Prokuroria të sekuestrojë pasuritë e Xhafaj, Ministri të largohet... -Albpress Daily News
Published On: Mar, Maj 15th, 2018

Basha: Prokuroria të sekuestrojë pasuritë e Xhafaj, Ministri të largohet…

Lideri i demokratëve Lulzim Basha është shprehur se nuk mund të jetë kurrë fati i Shqipërisë që qeveria ta kalojë vendin nga “droga e Tahirit, në drogën e Fatmir Xhafajt.

Përmes një deklarate për median, Lulzim Bassha ka kërkuar largimin e menjëhershëm të Ministrit të Brendshëm Fatmir Xhafaj, si personin përgjegjës për lënien në liri të të vëllait Agron Xhafaj.

Përveçse dorëheqjes së Ministrit, Basha është shprehur se prokuroria do duhet menjëherë të sekuestrojë pasuritë e familjes Xhafaj, pasi janë subjekt i qartë i ligjit antimafia. Basha nuk ka kursyer dhe akuzat ndaj Ramës e Arta Markut, duke thënë se prokuroria është kapur nga kryeministri, e për pasojë hetimet nuk mund të ecin, përderisa Fatmir Xhafaj nuk largohet nga imuniteti i ministrit e deputetit.

“Fatmir Xhafaj si Ministër i Brendshëm pengon zbatimin e ligjit antimafia, që thtë se pasuritë e atyre që dyshohen si pjesëtarë të një grupi kriminal sekuestrohen e hetohen, e nëse reuzlton se del se vijnë nga aktiviteti kriminal, konfiskohen.

Ky është rasti i vetëm në botë ku Ministri përgjegjës për zbatimin e ligjit antimafia, është vetë subjekt i ligjit. Fatmir Xhafaj duhet ti nënshtrohet së pari këtij ligji, së dyti duhet të hetohen të gjitha veprimet e mosveprimet e tij, si rezultat i të cilave, vëllai i tij i dënuar me 7vjet e dy muaj burg, nuk ka bërë asnjë ditë burg.

Askush nuk vepron sa kohë Fatmir Xhafaj është Ministër i Brendshëm. Prandaj, Fatmir Xhafaj duhet të largohet menjëherë.  Ai duhet të largohet. Shqiptarët nuk mund të kalojnë nga droga e Tahirit në drogën e Xhafajt.”-tha Basha.

Deklarata e plotë e Bashes 

Është fakt se Agron Xhafaj është kapur në një operacion ndërkombëtar kundër një organizate kriminale të trafikut të drogës i cili është zhvilluar nga Policia Italiane dhe DEA, agjencia amerikane e luftës kundër drogës.
2. Është fakt se Agron Xhafaj është dënuar në Itali me vendim të formës së prerë të konfirmuar nga Gjyakata e Lartë e Italisë me 7 vjet e 2 muaj heqje lirie, për pjesëmarrje në një grup të strukturuar kriminal që kryente trafik ndërkombëtar të drogës.
3. Është fakt se Agron Xhafaj i ka ikur drejtësisë, ka patur dijeni për të gjitha proceset, ka patur edhe avokat mbrojtës I cili ka ndjekur të gjitha shkallët gjyqësore, por ka zgjedhur që të mbetet në arrati gjatë gjithë procesit të gjykimit dhe dënimit.
4. Është fakt se Agron Xhafaj nuk ka vuajtur asnjë ditë dënim, as në Itali dhe as në Shqipëri.
5. Është fakt se Agron Xhafaj ka qenë dhe është në Shqipëri me identitet të ndryshuar nga Agron në Geron Xhafaj.
1. Në bazën e këtyre fakteve, ligji shqiptar kërkon që Agron Xhafaj të arrestohet dhe të vuajë dënimin që ka marrë.2. Në bazë të këtyre fakteve, ligji shqiptar anti-mafia kërkon që pasuritë e tij dhe të vëllait Fatmir Xhafaj të hetohen.
Fatmir Xhafaj ka mundesuar qe:
1. Ti shpëtojë ekstradimit në Itali dhe vuajtjes së dënimit Italian në Shqipëridhe2. të vazhdojë trafikun e drogës dhe të jetë një nga kokat e trafikut të drogës sic e panë dhe e dëgjuan dje mbarë shqiptarët.
Fatmir Xhafaj si Ministër i Brendshëm pengon zbatimin e Ligjit Antimafia
Fatmir Xhafaj, Ministër i Brendshëm, ka penguar dhe pengon zbatimin e Ligjit Antimafia ndaj vëllait të tij dhe atij vetë.
Fatmir Xhafaj është rasti i vetëm në botë ku Ministri i Brendshëm përgjegjës për zbatimin e Ligjit Antimafia, është vetë subjekt i Ligjit Antimafia.

Në këtë situatë duhej që ndaj vetë Fatmir Xhafës të kishte nisur një hetim i gjithanshëm nga Prokuroria.
1. Fatmir Xhafaj duhet t’i nënshtrohet së pari hetimit të ligjit antimafia për pasuritë si familjar i personave me aktivitet mafioz.
2. Së dyti, duhet të hetohen të gjitha veprimet dhe mos veprimet e Fatmir Xhafajt, si Ministër i Brendshëm, si rezultat i të cilave, vëllai i tij Agron Xhafaj i dënuar për trafik ndërkombëtar droge nga drejtësia Italiane me 7 vjet e 2 muaj nuk ka bërë asnjë ditë të vetme burg, as në Itali dhe as në Shqipëri.
3. Së treti, duhet të hetohen të gjitha veprimet dhe mos veprimet e Fatmir Xhafajt, si Ministër i Brendshëm, si rezultat i të cilave Agron Xhafaj i ka shpëtuar vuajtjes së dënimit.
4. Së katërti, duhet të hetohen të gjitha veprimet dhe mos veprimet e Fatmir Xhafajt, si Ministër i Brendshëm, që mundësojnë vazhdimin e aktivitetit kriminal të Agron Xhafaj.
Ministria e Brendshme, as Policia, as Prokuroria e kapur nga dyshja Rama-Xhafa nuk vepron dhe nuk do të veprojë sa kohë Fatmir Xhafaj është ministër i Brendshëm, eprori politik i Policisë që kryen verifikimet dhe hetimet dhe padroni politik i Arta Markut dhe Donika Prelës.
Prandaj Fatmir Xhafaj duhet të largohet menjëherë nga Ministër i Brendshëm.
Fatmir Xhafaj refuzoi që vetingu në polici të fillonte nga ai vetë dhe tani është e qartë pse nuk e pranoi këtë.Tani është momenti që të largohet si Ministër që t’i nënshtrohet ligjit anti-mafia.
Heshtja ndaj drogës dhe krimit, ndaj politikanëve të lidhur me krimin ndihmon vetëm krimin dhe politikanët e lidhur me të, jo Shqipërinë.
Në emër të Partisë Demokratike, në emër opozitës, kërkoj largimin e menjëhershëm të Fatmir Xhafajt nga detyra e Ministrit të Brendshëm.