Basha: Marku-Prela po fshehin provat për Gjiknurin dhe Dakon, janë të lidhur me bandat e… -Albpress Daily News
Published On: Sht, Kor 21st, 2018

Basha: Marku-Prela po fshehin provat për Gjiknurin dhe Dakon, janë të lidhur me bandat e…

Kreu demokrat, Lulzim Basha, akuzoi Kryeprokuroren e Përkohshme, Arta Marku, dhe drejtuesen e Prokurorisë së Krimeve të Rënda,Donika Prela, se po fshehin provat që lidhin Vangjush Dakon dhe Damian Gjiknurin, përkatësisht Kryebashkiak i Durrësit dhe ministër i Infrastrukturës, me bandat kriminale.

Basha shkruan në rrjetin social se Dako dhe Gjiknuri janë të lidhur në pazare korruptive, tendera dhe para me bandat në këmbim të votave në Vlorë, Dibër dhe Durrës.

“Dy vjet pas miratimit të Reformës në Drejtësi duhet të kishim një prokurori që ndëshkon dhe nuk mbron politikanët e lidhur me krimin. Vangjush Dako duhej të ishte ne burg, bashkë me Sajmir Tahirin, Elvis Roshin, Mark Frrokun, Qazim Sejdinin, Damian Gjiknurin me shokë”, shkruan Basha.

Komenti i Lulzim Bashës

Donika Prela dhe Arta Marku fshehin pergjimet dhe provat e prokurorise qe lidhin Vangjush Dakon dhe Damian Gjiknurin me bandat e krimit te organizuar ne pazare korruptive “tendera dhe para ne shkembim te votave” nga Dibra ne Durres dhe ne Vlore.

Dy vjet pas miratimit te Reformes ne Drejtesi duhet te kishim nje prokurori qe ndeshkon dhe nuk mbron politikanet e lidhur me krimin. Vangjush Dako duhej te ishte ne burg, bashke me Sajmir Tahirin, Elvis Roshin, Mark Frrokun, Qazim Sejdinin, Damian Gjiknurin me shoke.

Por ne vend te reformes, Edi Rama dhe Fatmir Xhafa e kapen drejtesine me ndihmen dhe heshtjen e disa bashkfajtoreve qe sot bejne shurdhmemecin. Drejtesia e kapur eshte sot garancia e vetme qe mban larg burgut banden ne pushtet. Kush nuk e kupton eshte idiot. Kush ben sikur nuk e kupton eshte bashkefajtor.

Qeveria e lidhur me krimin. Drejtesia e kapur nga qeveria. Ekonomia e kapur nga oligarket qe pastrojne parate e krimit dhe te korrupsionit qeveritar. Keto jane sfidat jetike, pa zgjidhjen e tyre Shqiperia shkon drejt katastrofes totale.

Shkruaj nje koment

avatar
  Subscribe  
Notify of