130 letra për tu riatdhesuar, njihuni me shqiptarin nga Gostivari të burgosur në Fier -Albpress Daily News
Published On: Pre, Mar 16th, 2018

130 letra për tu riatdhesuar, njihuni me shqiptarin nga Gostivari të burgosur në Fier

Shpërndaj
Tags

78-vjeçari nga Gostivari i internuar në Seman, shkroi 130 letra për riatdhesim.
Ish- drejtori i Arkivit në ministrinë e Brendshme, Kastriot Dervishi publikon historinë e Rexhep Tahirit, i cili erdhi në Shqipërinë komuniste të Enver Hoxhës, por i rezultoi me keq se ajo e Titos.

Ai i dërgoi 130 letra Enver Hoxhës që ta lejonin të largohej nga Shqipëria.

Shqiptarët nga trojet shqiptare në Jugosllavi, të cilët emigruan për arsye politike në Shqipëri, u keqtrajtuan në mënyrën më të pabesueshme nga regjimi komunist i Enver Hoxhës.

“Në kampet e Llakatundit, Semanit, si dhe në Shijak, ata kaluan në disa procese keqtrajtimesh e denigrimesh. Nga kjo sjellje, shumë prej tyre kërkuan të riatdhesohen në Jugosllavi sepse regjimi i E.Hoxhës po u rezultonte më i keq se ai i Titos.

Mjafton të vëresh letrat e shumta që shqiptarët emigrantë dërgojnë drejt udhëheqjes komuniste për të kuptuar se në çfarë mizerje ishin futur ata. Një rast i rrallë që dëshmon dëshpërimin e tyre ishte ai i 78 vjeçarit Rexhep Ajet Tahirit, nga Toplica e Gostivarit, i cili i shkruan plot 130 letra Enver Hoxhës në mënyrë që ta lejojë të largohet nga kampi i Semanit e të riatdhesohet.

Tahiri kishte ardhur në Shqipëri më 15.1.1949. Nga viti 1957 e deri në vitin 1961 kur shkruan letrat e fundit, ai jetonte në kampin e Semanit. Megjithëse shkroi 180 letra, Partia e Punës nuk ndryshoi qëndrim për sjelljen e saj, ndaj emigrantit nga Gostivari”, shkruan Dervishi.